ӨДӨР ТУТМЫН МЭДЭЭ-ний гол тойм – 2026 оны 5-р сарын 9

Австрийн эрх баригчид Оросын элчин сайдын яамны дипломатуудыг [Австрийн] Вена хот дахь Оросын дипломат барилгуудын антены байгууламж ашиглан олон улсын байгууллагуудын хиймэл дагуулын өгөгдлийг чагнасан гэж сэжиглэсний дараа тус яамны гурван ажилтныг албадан гаргалаа. (AP)

АНУ-ын Ерөнхийлөгч Трамп Иран улстай тохиролцоонд хүрэх хэлэлцээр хийх боломж олгохын тулд Ормузын хоолойд гацсан хөлөг онгоцнуудыг гаргах АНУ-ын “Эрх чөлөө төсөл”-ийг эхлүүлснээс нь хойш ердөө нэг өдрийн дараа түр зогсоож буйгаа мэдэгджээ. Гэхдээ Ираны боомтуудад тавьсан АНУ-ын тэнгисийн цэргийн бүслэлт хэвээр байх бөгөөд АНУ-ын Төрийн нарийн бичгийн дарга Марко Рубио зэрэг өндөр албан тушаалтнууд гал зогсоох хэлэлцээр хүчинтэй хэвээр гэж мэдэгдэн, халдлага үргэлжилж, шатахууны үнэ өсөж, олон зуун арилжааны хөлөг нэвтэрч чадахгүй байгаа энэ үед Иран улс тус хоолойг дахин нээх ёстой гэж анхааруулжээ. (Гардиан)

АНУ-ын Дайны яам Google, Microsoft, Amazon Web Services, Nvidia, OpenAI, Reflection AI, SpaceX зэрэг технологийн долоон том компанитай дүн шинжилгээ болон шийдвэр гаргалтыг хурдасгах зорилгоор ХОУ [хиймэл оюун ухаан]-ыг нууцын зэрэглэлтэй цэргийн системд нэгтгэх гэрээ байгууллаа. Тус ажил нь онилолт, ложистик, ажиллагааг дэмжиж, АНУ-ын батлан хамгаалах ХОУ-ы стратегийг ахиулж байгаа ч ёс зүй, хяналт, дайны автоматажсан эрсдэлийн талаар болгоомжлолыг төрүүлж байна. (VTV)

Spirit Airlines 2026 оны 5-р сарын 2-нд бүх үйл ажиллагаагаа зогсоож, 34 жилийн түүхтэй, агаарын тээврийн анхдагч хэт хямд өртөгтэй үйлчилгээний түүхээ дуусган, АНУ-д 25 гаруй жилийн дараах анхны агаарын тээврийн компанийг татан буулгах томоохон үйл явцыг эхлүүлжээ. [АНУ-ын] Майамид төвтэй тус агаарын тээврийн компани 2024 оноос хойш 2 удаа дампуурлаас хамгаалах хүсэлт гаргасан бөгөөд зээлдүүлэгчид нөхцөлийг нь хүлээн зөвшөөрөөгүйгээс санал болгосон холбооны 500 сая ам.долларын аврах санхүүжилт бүтэлгүйтэж, дампуурчээ. Ираны одоо үргэлжилж буй мөргөлдөөнөөс үүдэн онгоцны түлшний үнэ хоёр дахин өсөж, нэг галлон нь 4 ам.доллароос давсан нь эцсийн цохилт болжээ. АНУ-ын Тээврийн яамны нарийн бичгийн дарга Шон П. Даффи United, Delta, JetBlue, Southwest зэрэг томоохон тээвэрлэгчтэй хамтран сөрөг үр дагаврыг тогтворжуулах ажлыг зохицуулжээ. Агаарын тээврийн компаниуд тасалбарын үнийг хязгаарлаж, Spirit-ийн гацсан зорчигчдод нислэгээ дахин захиалах тусламж, хөнгөлөлт санал болгож, ажлаас чөлөөлөгдсөн 17,000 орчим ажилтанд ажилд орох түргэвчилсэн боломж, аяллын хөнгөлөлт олгож байна. (АНУ-ын Тээврийн яам)

Их Британийн ерөнхий сайд Кир Стармер хоёр еврей эрэгтэй хутгалуулж, еврей газруудад галдан шатаах цуврал халдлага гарсны дараа бизнес, эрүүл мэнд, соёл, дээд боловсрол, цагдаагийн болон еврей нийгэмлэгийн удирдагчдыг хуралдууллаа. Зарим хэргийг Ирантай холбоотой байж болзошгүй гэж мөрдөн шалгаж буй бөгөөд засгийн газар терроризмын аюулын түвшнийг “ноцтой” болгон өсгөж, аюулгүй байдлын шинэ санхүүжилт олгохоо мэдэгдэн, их сургуулиудад сургуулийн хотхон дахь антисемитизмын тохиолдлын мэдээллийг нийтлэхийг үүрэг болгосны зэрэгцээ антисемитизмыг үндсээр нь устгана хэмээн амлажээ. (Чаннель Ньюс Азия)

Камбож улс цахим луйврын үйл ажиллагаатай тэмцэхийг үндэсний тэргүүлэх зорилт болгон зарлаж, өнгөрсөн сард [Камбожийн] Сиануквиль хотод явуулсан зохион байгуулалттай нэгжлэгээр 104 гадаадын иргэнийг саатуулж, Zhong Huawei Golden Sand International Entertainment компанийн тусгай зөвшөөрлийг цуцалсны дараа бүх казиногийн газарт шалгалтаа эрчимжүүлэхээ мэдэгджээ. Энэ үед хүний эрхийн Эмнести Интернэйшнл байгууллага засгийн газрыг хүний эрхийн зөрчил гаргасан Камбожийн казинод зөвшөөрөл олгосон хэмээн шүүмжилж, АНУ-ын Сангийн яам өөрийн эзэмшлийн казино болон бусад газраас америкчуудыг хохироосон өргөн хүрээний цахим залилан явуулсан Камбожийн сенатор болон бусад этгээдүүдэд хориг арга хэмжээ авахаар болжээ. (Инсайд Азиан Гэймин)

АНУ-ын Ерөнхийлөгч Трамп АНУ-ын Үндэсний жижиг бизнесийн долоо хоногийг тэмдэглэхдээ, Цагаан ордны тодорхойлсноор улс даяар орон нутгийн өмчит, жижиг бизнесүүд сэргэж буйг онцолж, татварын хөнгөлөлт, зохицуулалт сулруулалт, SBA [Жижиг бизнесийн захиргааны]-ын зээлийн дээд амжилт, BOI [ашиг хүртэгч өмчлөлийн мэдээлэл]-ийн тайлагнах дүрмийг түдгэлзүүлсэн, үйлдвэрлэл, нийлүүлэлтийн сүлжээний шинэ хөтөлбөрүүдийг дурдсан бөгөөд энэ нь Америкийн 36 сая жижиг бизнесийн итгэлийг бэхжүүлсэн гэж засаг захиргаа мэдэгджээ. (Цагаан ордон)

АНУ-ын судлаачид дунд зэргийн дасгал хөдөлгөөн болон бага тунтай ибупрофен [өвчин намдаагч] нь “хими эмчилгээний тархи” [хими эмчилгээний дараах анхаарал төвлөрөх хүндрэл, ой санамж доголдох зэрэг танин мэдэхүйн өөрчлөлт]-ийг эмчлэх боломжит үр дүнтэй арга байж болохыг тогтоожээ. Эдгээр өртөг багатай арга нь хавдраас эдгэрсэн хүмүүст ой санамжаа сэргээж, сэтгэцийн мананг арилгахад тусалж магадгүй юм. Үр дүнг баталгаажуулахын тулд нэмэлт судалгаа шаардлагатай байна. (СкайТех Дэйли)

Шатаар өгсөхөд тэгш гадаргуутай харьцуулахад үений даралт 3-5 дахин нэмэгддэг тул энэ үед өвдөг өвдөх нь остеоартрит, үрэвсэл, менискийн урагдал, холбогч эдийн гэмтэл, өвдөгний тойг-дунд чөмгийн хам шинж зэрэг суурь асуудлын шинж байж болзошгүй юм. Мэргэжилтнүүд хавдар, хөшүүн байдал, тогтворгүй байдал үргэлжилбэл дүрс оношилгоогоор шаардлагатайг анхааруулж байна. Эмч нар өвдөгний эрүүл мэндийг хамгаалахын тулд ачаалал багатай дасгал хийх, жинг хянах, физик эмчилгээ хийлгэхийг зөвлөдөг бөгөөд хөдөлгөөнийг сэргээхэд уламжлалт эмчилгээ, үр дүнгүй болсон хүнд тохиолдолд мэс засал хийлгэх хэрэгтэй. (Бао Сүк хое ва Дой сон)

4-р сарын сүүлчийн байдлаар АНУ-ын нутаг дэвсгэрийн 51 гаруй хувь нь ган гачигт өртөж, ургац сүйдэж, усан сангууд ширгэж байна. Флорида мужийн хойд хэсэг, Жоржиа мужийн өмнөд хэсэг, Колорадо мужид нөхцөл байдал онцгой хүнд байна. Ой хээрийн түймрийн эрсдэл нэмэгдэж, усан цахилгаан эрчим хүчний хомсдол үүсэж буй энэ үед албаны хүмүүс усаа хэмнэхийг уриаллаа. (Дэйли Мэйл/ АНУ-ын Ган гачгийн хяналтын газар)

Ау Лак (Вьетнам)-ын Ламдон аймаг хүчтэй ган гачиг болж, усан сангууд, Туан Ан суурины ширгэхэд ойрхон байгаа 40-р нуурын усан санг хурдтай ширгээж байна. Температур 38°C хүрч, 600 хүртэлх гектар газар эрсдэл орсноор олон зуун гектар тариалан усалгаа хангалттай хүрэлцэхгүй байна. Албаны хүмүүс хохирлыг бууруулахын тулд яаралтай ус шилжүүлэх ажлыг зохицуулж байна. (Тьень Фон)

Японы хойд хэсэгт хүйтэн агаар Хоккайдо мужийг дайран өнгөрөхөд 5 сард ховор ордог цас орж, 21 жилийн дараа анх удаа 5-р сард хэмжигдэхүйц цас бүртгэгдэв. Такиноуэ хотод 11 сантиметр цас орсныг бүртгэжээ. Харин эсрэгээрээ [Японы] Токио хотод агаарын хэм Цельсийн 30 хэмээс давж байна. (Кенх 14)

[Ау Лак (Вьетнам)-ын] Као Банг дахь мужийн шинэ шалгалтаар 27 гаруй гектар газар хүнд металлаар бохирдсон нь тогтоогджээ. Бохирдол голчлон ашигт малтмал боловсруулах үйлдвэр, уурхай, аж үйлдвэрийн бүсийн ойролцоо илэрч, хар тугалга, кадми, хүнцэл, цайр, хром, мөнгөн ус, никель зэрэг бохирдуулагч тариалангийн талбай, ой, орон сууцны бүсэд нөлөөлж байгаа тул байгаль орчин, олон нийтийн эрүүл мэндэд урт хугацаанд үзүүлэх эрсдэлд санаа зовнил нэмэгдэж байгаа энэ үед албаны хүмүүс хяналтыг өргөжүүлж, нөхөн сэргээх төлөвлөгөө боловсруулахаар болжээ. (Лао Дон)

[Чилийн] Сантьяго хотод Чилийн Ургамалд суурилсан Конгресс| Үзэсгэлэн худалдаа 2026 зохион байгуулагдаж, 500 гаруй хүн оролцлоо. Тус улсын веган хоолны сонголт 2023-2025 онуудад 42%-иар өссөн байна. Гарааны компаниуд, тогтсон компаниуд, төрийн албан хаагчид, хэрэглэгчид оролцсон энэхүү арга хэмжээ нь ургамалд суурилсан салбарын хамтын ажиллагаа, эдийн засгийн өсөлтийг дэмжиж байна. (Вежкономист)

Дэлхийн веган сүүн бүтээгдэхүүний зах зээлийн үнэлгээ 2030 он гэхэд 28 тэрбум ам.долларт хүрэх төлөвтэй байна. Үйлдвэрлэгчид амт, бүтцийг сайжруулахын тулд дэвшилтэт эсгэлтийн технологи ашиглаж, уураг өндөртэй, цэвэр шошготой орлуулах бүтээгдэхүүний өсөн нэмэгдэж буй хэрэглэгчийн эрэлтэд нийцүүлж байна. (Фүүд Бизнес Ньюс)

Энэтхэг улсад Super Munchies компани шоколадтай баар, жимс, ногооны чипс, самар зэрэг веган зууш үйлдвэрлэж, цэвэр шошготой орц найрлага, орон нутгийн тариалалтыг тэргүүнд тавьж байна. Тус компани АНУ болон Европын гурван улсад үйл ажиллагаагаа өргөжүүлсний зэрэгцээ тогтвортой хөдөө аж ахуйг дэмжин, орон нутгийн эмэгтэйчүүдэд ажлын байр олгож байна. (Ньюс Карнатака)

[Пакистаны] Карачи хотод Саид Файсал гудамжны амьтан-хүмүүст зориулан шөнө бүр “Нэг хүний түргэн тусламж” ажиллуулдаг. 2019 оноос хойш тэрээр мотоциклоо ашиглан, гэмтсэн 500 гаруй амьтан найзыг аварч, эмнэлгийн тусламж үзүүлжээ. (Араб Ньюс)

Канадын Саскачеван мужид Rebel Towing компанийн эзэн Клинт Готтингер мөсөнд гацсан хандгай-хүнийг олж хараад, хоёр дуудлагад хариу өгөх ёстой байсан ч даруй аврах ажиллагааг нэн тэргүүнд тавьжээ. Тэрээр хөршүүдийнхээ тусламжтайгаар ачааны машин, олс ашиглан амьтан-иргэнийг татаж гаргажээ. Гэртээ харьсны дараа тэрээр түүнийг дулаацуулж, эдгэтэл нь ажигласан байна. Хандгай-оршин суугч маргааш өглөө нь босож явжээ. Энэ түүх хүмүүнлэг үйлс болон түгснээр үйлчлүүлэгчид нь саатлыг ойлгон хүлээн авсан байна. (Гүүд Ньюс Нетворк)

Орон сууцны барилгын Habitat for Humanity буяны газар нь ашгийн бус байгууллагынхаа 50 жилийн ойг тохиолдуулан [АНУ-ын Жоржиа мужийн] Атланта хотод 40 дэх удаагийн Jimmy & Rosalynn Carter ажлын төслөө эхлүүлжээ. 5-р сарын 4-8-нд 1,000 гаруй сайн дурынхан 10 шинэ байшин барьж, 14 байшин хорооллын дотоод заслыг дуусгаж, АНУ-ын Ерөнхийлөгч агсан Жимми Картер, тэргүүн хатагтай Розалин Картер нарын өвийг энэхүү олон нийтийн өргөн хүрээтэй хүчин чармайлтаар хямд өртөгтэй орон сууцыг нэмэгдүүлэн хүндэтгэл үзүүлж байна. (Хабитат фор Хюманити)

Өдрийн гэгээрүүлэх эшлэл: “Ганцаардал бол сүнсний Бурханд хүрэх зориулсан хамгийн төгс бэлтгэл юм. Ганцаардлын төлөвт байхдаа сүнс Бурханы шинж чанаруудыг тунгаан бясалгадаг.” – Хүндэт Гэгээрсэн Багш, Суфийн яруу найрагч Рабиа аль-Адавия аль-Кайсия (веган) (Исламын Агуу Нууц Сургаалын Багш нарын айлдвар, сургаал)

Өмнө нь Брижит Күүк-Берчийн клиник үхлийн тохиолдлын 3-ын 1-р хэсэгт коллежийн оюутан байхдаа хэцүү байсан Брижитийн амьдрал эмнэлгийн хямрал болон уналтад оржээ. Эхэндээ ханиад гэж бодсон зүйл нь түүнийг яаралтай мэс засалд орж, сепсис [халдварын улмаас амь насанд аюултай урвал], антибиотикийн хариу урвалд ороход хүргэж, энэ нь биеийн байдлыг нь сайжруулахын оронд дордуулсан байна. Брижит шөнийн 2:00 цагийн үед сувилагч нар түүнийг өглөө хүртэл тэсэхгүй гэж хэлэхийг сонсжээ.

Тэр эмнэлгийн дундын өрөөнд Брижитийн өрөөний хамтрагч түүнд үхэж байгааг нь хэлжээ. Өрөөний хамтрагч нь өвдөлтийг нь чөлөөлсөн мэт санагдсан адислал хүртэхийг харсны дараа Брижит өөрийнх нь нэрлэснээр “Ачааны машины мөргөлтөд бүрэн бууж өгөх” байдалд орж, адислал хүртэж болох эсэхийг асуужээ. Одоо 2-р хэсэгт, тэрхүү адислал нь эмнэлгийн өрөөний Гэрлээр дүүрсэн учралд хүргэсэн тухай өгүүлнэ.

Тэгээд би хэсэг зуур унтсан, дараа нь сэрэхэд энэ нь миний хэзээ нэгэн цагт мэдэрсэн хамгийн ер бусын бодит зүйл байсан. Өрөө бүхэлдээ энэ Гэрэлээр, энэхүү нүд гялбам цагаан Гэрэлээр дүүрсэн байлаа. Энэ нь зөвхөн Гэрэл биш, түүнтэй хамт нэгэн сэтгэл хөдлөл байсан. Би асар их хайрыг мэдэрсэн, миний өмнө нэг дүр, арын буланд бас нэг дүр байсан. Харин миний өмнөх тэр дүрийг би шууд таньсан, үнэхээр таньсан, Тэр бол Есүс байсан. Тэр миний амьдралдаа хэзээ ч мэдэрч байгаагүй тийм болзолгүй Хайраар над руу харж байлаа.

Миний хувьд үнэхээр гайхалтай нь Түүний нүдэнд харж чадсан зүйл, мөн өрөөнд эргэн тойронд маань, мөн өөрийн минь биед болж байсан зүйл байв. Бүх зүйл Түүний Хайраар хэлбэлзэн чичирч байсан. Энэ нь маш хүчтэй байлаа. Арьс минь чичирч буйг би мэдэрч байв. Эмнэлгийн орны дэргэдэх төмөр тавиур ширээг би мэдэрч байсан. Төмөр нь чичирч байлаа. Бүх зүйл Түүний Хайраар хэлбэлзэн чичирч байв. Энэ нь миний хэзээ ч мэдэрч байгаагүй хамгийн гайхамшигтай мэдрэмж, энерги, сэтгэл хөдлөл байсан. Тэгээд энэ намайг өөрчилсөн. Тэр надад амьдралын хоёр дахь боломж өгч байна гэж хэлсэн. Түүний нүдэнд тийм их Энэрэл, Хайр байсан. Тэр намайг өрөнд орсон талаар огт тоохгүй байгаа мэт байлаа. Тэр унасан дүнгүүдийг тоохгүй байв. Тэр миний замбараагүй харилцаануудыг тоохгүй байлаа. Түүний анхаарч байсан зүйл нь би өөрөө л байсан.

Би бүр яахаа ч мэдэхгүй байв. Нэг агшинд би биеэсээ гарсан ба цаг хугацаа, орон зайг тайлбарлаж чадахгүй нь. Миний мэдэж байсан ганц зүйл бол би орон дээрх бие рүүгээ дээрээс харж байсан, Тэр над руу хайраар харж байсан, дараа нь би биедээ буцаж орсон. Гэхдээ тэнд асар их уудам байдал байсан. Маш их мэдлэг байсан. Орчлон ертөнцүүд, нарийн төвөгтэй зүйлс, өнгөнүүд, бүх төрлийн зүйлс байв. Дараа нь би биедээ байхдаа Түүн рүү харж, Тэр над руу харахад энэ бүхнийг Түүний нүдэнд харсан. Би Түүнийг анх харахдаа үүнийг харсан бөгөөд Түүнийг таньсан. Би тэр бүхэн юу болохыг ойлгоогүй байсан ч, энэ бол миний Бүтээгч гэдгийг таньсан. Энэ бол бүх зүйл юм.

Брижит дахин сэрэхэд нэг сувилагч судсаар тарих хэд хэдэн антибиотиктой орж ирэв. Брижит ямар нэг байдлаар аль эм түүнийг үхүүлж буйг мэдэж байлаа. Би түүн рүү хараад, “Хүүе, эдгээрийн аль нэгийг нь хийлгэж болно, гэхдээ үүнийг хийлгэж болохгүй.” гэж хэлсэн. Тэгэхэд тэр: “Та юу яриад байна вэ?” гэв. Тэр: “Энэ л таныг амьд байлгаж байгаа цорын ганц зүйл. Бид таныг алдах нь гэж бодсон.” гэж хэлсэн. Би: “Үгүй ээ, би үүнийг хийлгэж болохгүй.” гэсэн. Тэр: “Та яаж мэдэж байгаа юм бэ?” гэв. Би: “Мэдэхгүй, гэхдээ үүнийг хийлгэж болохгүйгээ мэдэж байна.” гэсэн. Тэгээд тэр намайг ухаан нь самуурсан, бүр солиорсон гэж эмчид хэлэхээр явав. Гэхдээ эмч надтай ярилцахаар орж ирсэн бөгөөд аз болоход тэр олон асуулт асуусан, мөн клиник үхэлд орж байсан өөр өвчтөнүүдтэй таарч байсан тул сувилагчид хандан: “За, тэр бусад бүх эмийг хэрэглэж болно гэж байна. Үүнийг л зогсоогоод юу болохыг харъя.” гэж хэлсэн. Дараагийн 24 цагийн дотор би тэр эмнэлгээс өөрийн хөлөөр алхаж гарсан. Үүнийг үгүйсгэх аргагүй байсан. Энэ үнэхээр том бэлэг байсан.

Буцаж ирсэн нь зөвхөн бие махбодын эдгэрэл биш байв. Брижитийн эдгэрсэн амьдралд хоёр гайхалтай бэлэг дагалджээ. Юу болсон бэ гэвэл, хоёр үнэхээр гайхалтай зүйл болсон. Би тааралдсан ямар ч хүний нүд рүү харах үедээ тэнд хайрыг харж чаддаг болсон. Би тэднийг Бурханы нүдээр харж байгаа мэт байсан бөгөөд энэ нь үнэхээр ер бусын байлаа. Өмнө нь айдаг байсан хүмүүс, зөвхөн гадаад төрхөөр нь шүүмжилж магадгүй байсан хүмүүс, хэт эрх мэдэлтэй хүмүүс, эсвэл тэд огт өөр орчноос ирсэн, эсвэл ямар ч байсан өнгөрсөнд айж магадгүй байсан хүмүүсээс би огт айхаа больсон. Тэгээд нөгөө гайхалтай зүйл гэвэл толинд хараад, амьдралдаа анх удаа тэндээс хайрыг харах чадвартай болсон явдал юм.

3-р хэсэгт Брижит клиник үхэлд орсны дараа өөртөө тээж явсан нууц ачааг Эзэн Есүс Христ (цагаан хоолтон) хожим уулзахдаа илчилсэн тухай өгүүлнэ. Тэгээд Тэр: “Чи өөртөө аврагдах үнэ цэнтэй ямар нэг зүйл байсан байх ёстой гэж хэлсэн, түүнээс хойш чи үүнийг батлах гэж хичээсээр ирсэн.” гэж хэлсэн. Брижит Күүк-Берчийн клиник үхлийн тохиолдлын 3-ын 3-р хэсэгт маргааш бидэнтэй хамт байгаарай. (Бурханы Гэрэлд Амьдрахуй)