ӨДӨР ТУТМЫН МЭДЭЭ-ний гол тойм – 2026 оны 6-р сарын 23

6-р сарын 19-ний баасан гарагт гал зогсоох шинэ хэлэлцээр зарласнаас хойш нэг ч хоног болоогүй байхад Израил, Хезболла өмнөд Ливан даяар харилцан цохилт хийсээр байна. 6- р сарын 20-ны бямба гарагт Израилын халдлагад дор хаяж 20 хүн амиа алдсан гэж Хезболла Израилын хүчний эсрэг 50 гаруй пуужин харвасан гэж мэдэгджээ. АНУ Израилын ажиллагаа нь АНУ–Ираны энхийн өргөн хэлэлцээрт эрсдэл учруулж байна гэж шүүмжилжээ. (BBC Ньюс)

Хятад улс дэлхийн засаглалын тухай шинэ цагаан ном гаргаж, олон улсын илүү шударга дэг журмынт алаарх үзэл баримтлалаа танилцууллаа. Үүнд олон талт хамтын ажиллагаа, НҮБ-ын гол үүргийг онцолж, НҮБ болон Аюулгүйн Зөвлөлийн үр нөлөөг сайжруулах шинэчлэл хийхийг уриалж, бүс нутгийн хурцадмал байдлыг намжаах яриа хэлэлцээг дэмжин, худалдаа, нийлүүлэлтийн сүлжээний тогтвортой байдал, уур амьсгалын засаглал, ногоон шилжилт, нүүрстөрөгч бага ялгаруулах хөгжил, хиймэл оюун ухаан зэрэг шинэ асуудлаарх хамтын ажиллагааг ахиулах талаар тусгажээ. (VTV)

НҮБ-ын Хүнс, хөдөө аж ахуйн байгууллага [FAO] болон Дэлхийн хүнсний хөтөлбөр [WFP] эрчимжиж буй Эль-Ниньо үзэгдлээс үүсэж болзошгүй гэж таамаглаж буй нөлөөнд өндөр эрсдэлтэй байх 22 улсын 8.8 сая хүнийг хамгаалахаар 202 сая ам.долларын Урьдчилан сэргийлэх хамтарсан арга хэмжээ авах уриалга эхлүүллээ. Ган гачиг, үер, шуурга нь хүнсний аюулгүй байдал, хөдөө аж ахуйн үйлдвэрлэлд ноцтой саад учруулж болзошгүйг анхааруулж, мөнгөн тусламж, уур амьсгалд тэсвэртэй үр, усны менежментийн систем зэрэг үр дүн нь батлагдсан урьдчилсан арга хэмжээг өргөжүүлэхэд эрт үеийн, уян хатан санхүүжилт зайлшгүй шаардлагатай гэж онцолжээ. (Дэлхийн Хүнсний Хөтөлбөр)

Гүнждийн үр нь ханаагүй тос, эслэг, лигнанаар баялаг тул цусны даралт, холестериныг бууруулахад туслахын зэрэгцээ яс, бодисын солилцооны эрүүл мэндийг дэмжихэд тустай. Мэргэжилтнүүдийн зөвлөснөөр эдгээр хямд үр нь цусан дахь өөх тосны түвшнийг сайжруулж, зүрх судасны эрсдэлийг бууруулж чадна. Гэвч эмч нар гүнждийн харшилтай хүмүүс үүнээс бүрэн зайлсхийх, оксалат багатай хоолны дэглэм баримталдаг хүмүүс тохируулан хэрэглэхийг анхааруулж байна. (ВьетнамНет)

Филиппиний Илоило дахь сургалтын баазад гахайн махан адобо [жигнэсэн хоол] идсэний дараа олон хүнийг хамарсан хүнсний хордлогод орсон байж болзошгүй тохиолдлоор цэргийн нөөцийн 90 офицер эмнэлэгт хүргэгджээ. Олон хүнд бөөлжих, гэдэс өвдөх шинж илэрсний дараа эрүүл мэндийн байгууллагууд хоол, усны дээжийг шинжилж байна. Эмнэлгийн багууд ихэнх сонсогчийг 48 цагийн дотор эмчилж гаргажээ. (Манила Таймс)

Хар хөлт бугын хачиг олширч байгаатай холбоотойгоор АНУ даяар Поуассан вирусийн тохиолдол нэмэгдэж буйг эрүүл мэндийн албаныхан анхаарууллаа. Хачгаар дамждаг уг ховор өвчин нь хүнд хэдхэн минутын дотор халдварлаж, тархины хүнд үрэвсэл, саажилт, мэдрэлийн байнгын гэмтэл үүсгэж болзошгүй байдаг. Вакцин болон тусгай эмчилгээ байхгүй тул шавж үргээгч хэрэглэх, хамгаалах хувцас өмсөх, хачиг наалдсан эсэхийг даруй шалгахыг мэргэжилтнүүд олон нийтэд уриалж байна. (Фокс Уитер)

Баруун Европ 2026 оны хоёр дахь том халууны давалгаанд өртөж, Францын зарим бүсэд агаарын хэм 40°C давлаа. Францын засгийн газар сонор сэрэмжтэй байж, эмзэг бүлгийн хүмүүсийг хамгаалахыг уриалжээ. Халууны давалгаа Францад дор хаяж нэг хүний амь насанд хүрсэн гэж үзэж байгаа бөгөөд төмөр замын үйлчилгээг саатуулжээ. (Коннексион, Гардиан)

Хиймэл дагуулын зургуудад ган гачиг, дулаарал нь усны нөөцөд дарамт учруулж байгаатай холбоотойгоор Аргентины Парана мөрөн, Боливийн Поопо нуур, Ираны Урмиа нуур, АНУ-ын Мид нуур зэрэг дэлхийн 10 газарт ус их хэмжээгээр багассан нь ажиглагджээ. Дэлхийн банкны тооцоогоор Дэлхий жил бүр 324 их наяд литр цэнгэг ус алдагдаж байна. (VTC Ньюс)

Өнгөрсөн долоо хоногт хүчтэй шуурга Балканы бүсийг дайрч, Словени, Хорват, Босни, Грект хүчтэй салхи, аадар бороо, мөндөр оржээ. Словенийн Любляна нисэх буудалд салхины хурд цагт 105 км хүрч, Коменда хотын захиргаанд барилга байгууламж гэмтсэн байна. Тухайн хугацаанд Хонконгт хүчтэй бороо орж, үерт буужээ. (Гардиан)

Индонезын Бали арал дээр цагдаа нар Пегаметаны эрэгт хийсэн нэгжлэгээр хамгаалалтад байдаг амьд 21 далайн ногоон яст мэлхий-хүнийг хураан авч, эдгээр амьтан-хүмүүсийг дахин худалдах зорилгоор хадгалсан гэж буруутгагдсан нэг сэжигтнийг баривчиллаа. Эрх баригчид хууль бус наймааны сүлжээний бусад гишүүдийг эрэн сурвалжилж байгаа бөгөөд энэ хэрэг тус бүс нутагт удаан хугацаанд онилогдсоор ирсэн зүйлийн эсрэг хууль бус худалдааны дарамт үргэлжилсээр байгааг харуулж байна. (AP Ньюс)

Их Британи улс Ау Лак (Вьетнам)-тай далайн салхины эрчим хүчний түншлэл болон шинэ ногоон санхүүгийн суурийг эхлүүлж, тус улсад шинэчилсэн Эрчим хүчний VIII төлөвлөгөөний дагуу далайн салхины эрчим хүчийг ихээр хөгжүүлэх зорилтын хүрээнд эхний шатны төслүүдийг хөгжүүлэх, сүлжээнд нэгтгэх системийг бэхжүүлэх, санхүүгийн тогтвортой стандартыг өргөжүүлэхэд дэмжлэг үзүүлнэ. (ВнЭкспресс)

[Перугийн] Лимагийн Үндсэн хуулийн шүүх Сан-Маркосын Үндэсний Их Сургуулийн оюутны хоолны газарт веган цэсийг байнга санал болгохыг даалгалаа. Веган хоол байхгүй байгаа нь веган оюутнуудыг ёс зүйн итгэл үнэмшил болон их сургуулийн үнэгүй хоолны үйлчилгээнд хамрагдах эрхийн хооронд сонголт хийхэд хүргэж буй шууд бус ялгаварлал гэж үүнийг үзсэн бөгөөд зардал, журам, оюутны статусын талаарх их сургуулийн тайлбарыг няцааж, хэрэгжилтийг төлөвлөх албан ёсны судалгаа хийхийг шаарджээ. (LP Дереко)

Нидерландын Vivici гарааны компани амьтны гаралгүй шар сүүний уургийн үйлдвэрлэлээ өргөжүүлэхээр Европын Холбооноос 12.5 сая еврогийн санхүүжилт авчээ. Тус компани дэлхийн өндөр уурагтай бүтээгдэхүүний өсөн нэмэгдэж буй эрэлтэд өөр орц найрлагаар нийцүүлэхийн тулд исгэлтийн нарийн технологи ашигладаг байна. (Грийн Куийн)

Испанийн давж заалдах шатны шүүх веган мах үйлдвэрлэгч Heura Foods-ийн талд голчлон шийдвэр гаргалаа. Тус компанийг амьтан-хүний махны салбарын бүлгүүд шүүхэд өгсөн байжээ. Уг шийдвэрээр Heura “хиам”, “бургер” зэрэг веган махны нэр томьёо хэрэглэх эрхийг хэвээр үлдээж, мөн тус улсын үзэл бодлоо илэрхийлэх эрх чөлөөний хуулийн хүрээнд зар сурталчилгаандаа амьтан-хүний мал аж ахуйн салбарыг шүүмжилсэн шүүмжлэлийг нь хамгаалжээ. (Грийн Куийн)

[АНУ-ын] Нью-Йорк хотын захирагч Зохран Мамдани насан туршдаа веган байгаа Сиддхарта Санчезийг хотын хүнсний бодлогыг удирдуулахаар томилжээ. Ноён Санчез оршин суугчдад хямд, эрүүл хүнс авах боломжийг өргөжүүлэхийн төлөө ажиллана гэж мэдэгджээ. (ВежНьюс)

АНУ-ын контент бүтээгч, SB Mowing сувгийн Спенсер байрнаас нь гаргах эрсдэлтэй тулгарсан, өндөр настай бэлэвсэн эмэгтэй Деббигийн хашааг үнэгүй цэвэрлэж өгсөн нь цахим орчинд өргөн тархсан хандивын аян болж хувирчээ. Олон нийтийн сүлжээний 22,000 гаруй хандивлагч үүнд нэгдэж, 685,000 ам.доллар цуглуулан түүний ирээдүйг баталгаажуулжээ. (Гүүд Ньюс Нетворк)

Их Британийн хууль тогтоогчид Батлан хамгаалах яамнаас Хааны харуулын малгайнд ашигладаг жинхэнэ баавгай-амьтан хүмүүсийн үсийг хүмүүнлэг хиймэл үсээр солихыг шаарджээ. Парламентын 80 гаруй гишүүний дэмжлэгтэйгээр идэвхтнүүд татвар төлөгчдийн зардал өсөж байгаа тул яаралтай шилжилт хийхийг уриалж байна. Их Британийн Амьтдад ёс зүйтэй ханддаг хүмүүсийн нийгэмлэг [PETA] тоо баримтаар үүний захиалга 2024 онд 22 малгай байснаас 2025 онд 96 болж, 336%-иар өссөн бол нэг малгай татвар төлөгчдөд 2,300 гаруй фунт.Стерлингийн өртөгтэй буюу 8%-иар нэмэгджээ. (PETA UK)

Малайзын гал сөнөөгчид Бантингийн борооны ус зайлуулах шуудуунаас 200 килограмм жинтэй матар-хүнийг аварчээ. Найман хүний бүрэлдэхүүнтэй баг амьтан найзыг гэмтээлгүй аюулгүй тогтоон барьж, зэрлэг байгальд нь буцаан тавиулахаар зэрлэг амьтны удирдах газарт шилжүүлжээ. (Күүл Даун)

Өдрийн урам зориг өгөх эшлэл: “Та ямар ч нөхцөлд аз жаргалтай байж чадна. Зөвхөн БУРХАНД итгэх л хэрэгтэй.” – Австрали-Америкийн Христийн шашны сайн мэдээ түгээгч, урам зоригийн илтгэгч Ник Вуйчич (AZ Quotes)

Доктор Паула Лангхоффын клиник үхэлд орсон тохиолдлын тухай цуврал дугаарын өмнөх 1, 2-р хэсэгт Паула зургаан настай байхад нь нэгэн харанхуй оршихуй түүнийг дор хаяж хагас лонх аспирин уухыг ятгасныг дурссан. Тэрээр бүх зүйл тас харанхуй болсны дараа тэрээр оддын хонгилоор татагдан, хожим нь Диваажин гэж тодорхойлсон газарт очсон гэжээ. Тэнд тэр тод, амьд тал, асар том ширээг тойрон цугласан тэнгэр элч нар, амьдралынхаа гурван хэмжээст төлөвлөгөөг харсан байна. Паула улаан тоосгон барилга руу орж, БУРХАН-ы сэнтийн танхимын ар талд хүрэхэд сэнтийд заларсан Эцэг, индранил-шилэн шал, магтаал өргөн нисэж буй тэнгэр элч нарыг харжээ.

Дараа нь түүнийг танхимаас гаргасны дараа өөр нэг барилга харагдсан бөгөөд тэр дөнгөж уншиж сурсан хүүхэд байсан тул уг номуудыг үзэхийг хүсжээ. Тэгээд би нэг том өрөөнд зогсож байв. хана дүүрэн ном, тавиурын араас тавиур үргэлжлэн, бүхэлдээ номоор дүүрсэн байв. Надтай хамт нэг тэнгэр элч байсан. Түүнд ч бас далавч байгаагүй ч би түүнийг тэнгэр элч гэдгийг мэдэж байв. “Энэ бүх ном юунд зориулагдсан ##юм бэ?” гэж би асуусан. Тэр: “Эд бол хүн бүрийн амьдралын номууд” гэж хэлсэн. Өөрөөр хэлбэл, танд амьдрал байгаа бол та нэг номд бичигдсэн байдаг. Энэ бол БУРХАН таны тухай бичсэн түүх юм. Тэгээд би: “За, би өөрийнхийгөө үзэж болох уу? Би номоо харж болох уу?” гэж асуусан. Тэгэхэд тэнгэр элч: “Үгүй, тэгвэл үнэндээ хуурсан хэрэг болно шүү дээ.” гэсэн. Та амьдарч байхдаа өөрийн номд юу байгааг харах боломжгүй. Учир нь үнэндээ тэр одоо ч бичигдсээр байгаа. Таны түүх одоо ч бичигдэж буй. Хэдийгээр тэр эртнээс бичигдсэн ч та энд, энэ дэлхийд түүнийгээ ##амьдран тоглож байгаа.

Номын сангаас гарсны дараа Паула өндөр хамгаалагч тэнгэр элчийг харсан гэж ярьсан юм. Дараа нь нэг мэдэхэд, маргааш өглөө нь тэр биедээ эргэн орсон байв. Паула сэрэхэд ходоодны ханиад туссан мэт өвдөж байжээ. Ээж нь түүнийг хэдэн өдөр сургуульд явуулалгүй гэртээ байлгав. Тэр харсан зүйлээ хэнд ч хэлсэнгүй. Амьдрал үргэлжилсэн ч Паулаг чиглэсэн дайсны дайралтууд зогссонгүй. Олон жилийн турш тэрээр цуврал аллагын сэжигтэнтэй хүнтэй тааралдан, зугтаж чадсан, гэртээ бие махбодын хүчирхийлэлд өртсөн, анхааруулах дуу хоолойны ачаар автомашины ослоос арайхийн зайлсхийсэн, мөн машины зогсоолын барилгад тэнгэр элч ирж, болзошгүй халдагчийг айлгасан зэрэг явдлыг даван туулжээ.

Дараа нь 1991 онд Паула хачигт хазуулж, Лаймын өвчин тусжээ. Түүний хэлснээр 12 жилийн турш онош нь тодролгүй амьдарч, бие нь дордсоор байжээ. 2003 он гэхэд тэр Mаёо эмнэлэгт д 10 хоног хэвтэхдээ 98 паунд [44 килограмм] жинтэй болтлоо турж, зөвхөн төмс идэж, ус ууж байсан бөгөөд зүрх нь хэм алдагдлын улмаас жигд бус цохилж байв. Тэндхийн эмч нар түүнд хэрхэн туслахаа мэдэхгүй, эмчилж чадахгүй гээд, гэрт нь буцаажээ. Гэртээ ирээд, ядарч туйлдсан, цаашид хэрхэн үргэлжлүүлэхээ мэдэхгүй болсон Паула тэсвэрийнхээ хязгаарт хүрчээ.

Тэгээд би: “Эзэн минь, ##би үүнээс болж үхэх гэж байна, эсвэл үүнээс л болж үхэх гэж байна, тийм биз?” гэж бодсон. Өөр сонголт байхгүй бололтой, тийм үү? Ингээд гурван шөнө дараалан, би шөнө орондоо ороход ор чичирч байлаа. Ор хоёр тийш савлан чичирч байгааг би мэдэрдэг байсан. Гэвч миний мэдэхээр тэр нь ор биш байсан. Энэ нь сүнсэн дэх би байсан. Миний бие сүнсийг минь сэгсэрч гаргаад, намайг явуулах гэж байгаа мэт байв. Тэгээд би юу болохыг мэдэхгүй, болох бүхэнд зүгээр л бууж өгсөн байсан.

4-р хэсэгт, гурав дахь шөнө Паула сэрээд цэнхэрдүү цагаан гэрлийн бөмбөлөг унтлагын өрөөнд нь орж ирэхийг харсан тухай гарна. Түүн дээр БУРХАН- оршихуй байдаг. Тиймээс бүрэн амар амгалан байна. Огт айдас байхгүй. Доктор Паула Лангхоффын клиник үхлийн тохиолдлын тухай энэ цувралын 4-р хэсэгт маргааш бидэнтэй хамт байгаарай. (Жени ДуВалл-тай хамт БУРХАН-тай учирсан учрад)