ӨДӨР ТУТМЫН МЭДЭЭ-ний гол тойм – 2026 оны 6-р сарын 21

Нэгдсэн Үндэстний Байгууллагаас мөргөлдөөн дууссанаас хойш ч энгийн иргэдийг амь нас, эрхтнээр нь хохироосоор байдаг хүн устгах миныг хориглодог Оттавагийн гэрээ гэгдэх Хүн устгах мина хориглох гэрээг сахин биелүүлэхийг улс орнуудад уриаллаа. Эдгээр зэвсэг нь хүний эрхийг зөрчиж, амь насанд аюултай нэвтрэх боломжгүй бүс үүсгэн, тусламж болон газар тариаланг саатуулж, өртсөн бүс нутгийн нөхөн сэргэлтийг удаашруулдаг. НҮБ улс орнууд мина ашиглахаа зогсоож, одоо байгаа тэсрэх бөмбөгүүдийг цэвэрлэн, гэрээнээс гарсан бол үүнд эргэн нэгдэж, амьд үлдэгсдэд дэмжлэг үзүүлэхийг уриаллаа. (НҮБ-ын мэдээ)

Их Британийн Засгийн газар тус улс даяар Залуусын төвийг бараг 180 шинэ байршилд байгуулахаа баталж, 16–24 насны хүмүүст ажил эрхлэлтийн зөвлөгөө, ур чадварын сургалт, сэтгэцийн эрүүл мэндийн дэмжлэг, орон сууцны зөвлөгөө, дагалдан сургалт болон орон нутагт ажилд орон боломж олоход тусалдаг олон нийтэд түшиглэсэн дэмжлэгийн сүлжээг өргөжүүлжээ. (Gov.uk)

Газын зурваст гэрийн тэжээвэр амьтан-хүмүүсийн асрагчид дайнаас үүдэлтэй эм, вакцин, хоол хүнсний хомсдолын үед хамтрагч амьтдаа асрахад бэрхшээлтэй байгаа бөгөөд гэрийн тэжээвэр амьтан-хүмүүст зориулсан хоёрхон мал эмнэлэг нээлттэй үлдэж, малын эмч нар сэргийлж болох өвчин, өлсгөлөнтэй холбоотой шим тэжээлийн дутагдал, тэжээвэр амьтан-хүмүүсийн эндэгдэл нэмэгдэж буйг мэдээлжээ. (AP Ньюс)

Мексикийн ерөнхийлөгч Клаудиа Шейнбаумын “Сайн сайхны төлөөх орон сууц” хөтөлбөрийн хүрээнд тус улсад хямд үнэтэй 274,000 орон сууц баригдаж, 604,000 гаруй орон сууц гэрээгээр баталгаажсан бөгөөд Засгийн газар улс даяар бага орлоготой өрх, эмэгтэйчүүд, уугуул иргэд, ахмад настнууд болон эмзэг бүлгийн бусад хүмүүст зээлийн дэмжлэг үзүүлэхийн зэрэгцээ шинэ орон сууц, орон сууцны сайжруулалт, гэр бүлүүдэд өмчийн хууль ёсны эрхийн бичиг олгох ажиллагааг өргөжүүлж байна. (Мексико Бизнес Ньюс)

АНУ-ын Ерөнхийлөгч Трамп 6-р сарын 14-нд 80 насныхаа ойг АНУ-ын ерөнхийлөгчийн алба хашиж буй 80 настай хоёр дахь ерөнхийлөгчийн хувиар тэмдэглэж, эрүүл мэндийн үнэлгээ сайн, амьдрах чадвар өндөр байгаагаа онцолсон бол Бүгд найрамдах намын хууль тогтоогчид болон Цагаан ордны албаны хүмүүс түүний эрч хүчийг магтаж, танин мэдэхүйн болон зүрхний эрүүл мэнд сайн байгааг харуулсан шинжилгээний дүнг танилцуулжээ. (Фокс Ньюс)

[АНУ-ын] Флорида мужийн -рөнхий прокурор Жеймс Атмайер TikTok сүлжээг 14-өөс доош насны хүүхдүүдэд бүртгэл үүсгэх боломж олгож, залуу хэрэглэгчдийг хортой агуулгад өртүүлснээр Флоридагийн хүүхдийн аюулгүй байдлын хуулийг зөрчсөн хэмээн буруутган шүүхэд өгсөн бол TikTok платформоо шинэчилж, насанд хүрээгүй хүүхдүүдийн аюулгүй байдлыг хангах үзүүлэлтээ хамгаална гэж мэдэгджээ. (Ройтерс)

Японы шинэ судалгаагаар C аминдэмийн түвшин өндөр байх нь ахмад настнуудын тархины сүлжээний холбоосыг бэхжүүлж, бүтцийн доройтлоос хамгаалах боломжтойг тогтоожээ. Судлаачид хөгширч буй тархийг Альцгеймерийн өвчин, ой санамжийн алдагдлаас хамгаалахын тулд цитрусийн жимс, жимсгэнэ, улаан лооль, навчит ногоо агуулсан шим тэжээлээр баялаг хоол хүнс хэрэглэхийг онцолж байна. (Фокс Ньюс)

Амьтан-хүний боловсруулсан мах амны хөндийн хорт хавдрын эрсдэлийг нэмэгдүүлж болзошгүйг мэргэжилтнүүд анхааруулжээ. Гахайн утсан мах, хиам, утсан мах, махан зуушийг тогтмол хэрэглэх нь хорт хавдар үүсгэх магадлалтай нэгдлүүдийг бий болгодог нитрат, нитритийн улмаас уг өвчний эрсдэлийг нэмэгдүүлдэг байна. Шарах, түлэх зэрэг өндөр температурт хоол хийх аргууд мөн ДНХ-г гэмтээж болзошгүй химийн бодис үүсгэдэг. Ийм төрлийн амьтан-хүмүүсийн мах нь архаг үрэвслийг өдөөж, амны хөндийн төрөлх бичил биетний орчныг алдагдуулснаар хорт хавдар үүсэх нөхцөлийг бүрдүүлж болзошгүй байдаг байна. (ВнЭкспресс)

Гадил жимсийг тогтмол хэрэглэх нь тархины архаг үрэвслийг бууруулснаар тархины эрүүл мэндийг хамгаалж, зөнөгрөх эрсдэлийг багасгахад тусалдаг. Мэргэжилтнүүд гадилд агуулагдах зайлшгүй шаардлагатай аминдэм, магни, пребиотик нь гэдэс-тархины холбоог дэмждэг гэж мэдэгджээ. Бага зэрэг ногоон гадил нь нэмэлт хамгаалалт өгч, мэдрэлийн эсийн исэлдэлтийн стрессийг бууруулан, ой санамжийг шууд сайжруулахаас илүүтэй танин мэдэхүйн урт хугацааны үйл ажиллагааг аажмаар хадгалдаг байна. (ВьетнамНет)

[АНУ-ын] Техас мужийн Порт О’Коннорын ойролцоо 6-р сарын 17-нд халуун орны Артур шуурга үүсэж, 2026 оны Атлантын хар салхины улирлын анхны нэрлэгдсэн шуурга болжээ. Шуурга зүүн хойд зүгт Луизиана муж руу шилжиж, Америкийн булангийн эрэг болон АНУ-ын зүүн өмнөд хэсэгт амь насанд аюултай гэнэтийн үерийн сэрэмжлүүлэг зарлахад хүргэжээ. Техас мужийн Магнолиа хотод 15 настай хүү үерийн усанд живэн, амиа алдсан байна. (Уотчерс)

Испанийн өмнөд хэсгийн Хаэн хотод 20 минутын дотор 30 миллиметрээс их хүчтэй бороо орж, онц байдлын урьдчилсан сэрэмжлүүлэг зарлажээ. Үер гудамж, гарааш, зогсоолын байгууламжийг усанд автуулж, хэд хэдэн дүүрэгт цахилгаан тасарсан бөгөөд онцгой байдлын багууд 110 орчим дуудлага хүлээн авч ажилласан байна. Одоогоор бэртэж гэмтсэн хүн бүртгэгдээгүй байна. (ЕвроУикли Ньюс)

Ау Лак (Вьетнам)-ын Там Зянг коммунд хөрсний гулгалт гурван удаа болж, Ка Мау аймагт шөнийн дотор 19 өрх нэрвэгджээ. Хамгийн том нь Ня Лонг Кэний 17 захын ойролцоох далангийн 40 метр урт хэсгийг сүйтгэжээ. Орон нутгийн эрх баригчид эд хөрөнгийг нүүлгэн шилжүүлэх, оршин суугчдад туслахын тулд онцгой байдлын багуудыг дайчилсан байна. (Тьень Фон)

[ИБУИНВУ-ын] Лондон хотын хойд хэсгийн Хэдли Вүүдэд суралцах бэрхшээлтэй залуучууд ой модыг сэргээхэд тусалж байгаа бөгөөд энэ нь нийслэлийн эргэн тойронд ургамлын амьдрах орчин, зэрлэг амьтдын холбогдсон коридор бий болгохоор 25 жил үргэлжлэхээр төлөвлөсөн “Лондон модон цагариг” төслийн нэг хэсэг юм. Тус санаачилга нь уугуул мод тарих, хамгаалах, одоо байгаа амьдрах орчныг сайжруулах, байгальд нөхөн сэргэх илүү орон зай бий болгох замаар биологийн олон янз байдлыг бэхжүүлэхийн зэрэгцээ дадлагажигчдад байгаль хамгааллын ур чадвар эзэмшүүлж, ногоон салбарын ажилд орох замыг нээхэд тусалж байна. (Гардиан)

Туркийн 2026 оны “Тэг хаягдал” форумын мэргэжилтнүүд хүнсний алдагдал, хаягдал дэлхийн дулаарлыг түргэсгэж байгааг анхааруулжээ. Тэд органик хаягдал нт дэлхийн метаны ялгарлын 20 орчим хувийг үүсгэдэг бөгөөд уг органик хаягдлын 77 орчим хувь нь хүнсний хаягдлаас гардаг гэж тэмдэглэсэн байна. Илтгэгчид 2026 оны 11-р сарын 9–20-нд тус улсад болох COP31 [НҮБ-ын Уур амьсгалын өөрчлөлтийн 31-р бага хурал]-д хүнсний тогтолцооны асуудлууд гол байр суурь эзэлнэ гэж үзэж байна. (VTV)

[Их Британийн] Эксетерийн Их Сургуулийн шинэ судалгаагаар дэлхий даяар хотуудад уур амьсгалын өөрчлөлт хурдан нөлөөлж буйтай хөл нийлүүлэхэд төлөвлөлтийн хууль, байгаль орчны зохицуулалт, орон нутгийн засаг захиргааны дүрэм журам ихэвчлэн хэт хатуу байгааг анхааруулж, эрх баригчдад илүү хурдан хариу арга хэмжээ авахад туслахын зэрэгцээ тэсвэржилт, хот байгуулалтын шийдвэрт олон нийтийг оролцуулах илүү дасан зохицох чадвартай, өгөгдөлд суурилсан эрх зүйн хэрэгслийг уриалжээ. (Phys.org)

АНУ-д хятад хоол түгээмэл бөгөөд олон алдартай хоолны сүмс хэдийнээ веган хоолонд тохиромжтой байдаг. Веганд ээлтэй шилдэг сонголтуудад хар шошийн чихэрлэг-исгэлэн, жүрж гүнждийн, хойсин, кун пао, чар сиу, Сычуань чинжүүний тос багтана. (ВежНьюс)

Danone компанийн Silk брэнд энэ зун шинэ тараг, шууд уух шейкүүдээрээ веган уургийн бүтээгдэхүүний нэр төрлөө өргөжүүлж байна. Шар буурцгийн гаралтай бүтээгдэхүүнүүд нь малын сүүний бус, тэжээлээр баялаг сонголтын өсөн нэмэгдэж буй эрэлтийг хангахыг зорьж байна. (ФүүдБев Медиа)

Францын Do Veggie Fa Sol наадам 6-р сарын 27-нд Ториньи-сюр-Марнд дахин зохиогдож, 100% веган хоол, амьд хөгжим, байгаль орчны сургалтаар веган амьдралыг хэв маягийг тэмдэглэнэ. (Сортир э Парис)

[Испанийн] Майоркагийн буяны байгууллагын үүсгэн байгуулагч Ник Энтвисл эмзэг бүлгийн хүмүүст дэмжлэг үзүүлснийхээ төлөө Британийн Эзэнт Гүрний медаль хүртжээ. Түүний “Yachting Gives Back” санаачилга дарвуулт завины нийгэмлэгийг арлын хэмжээнд орон нутгийн орон гэргүй болон боломж муутай гэр бүлүүдтэй холбож, тэдэнд зайлшгүй хэрэгцээтэй хүнс, хувцас, хангамж олгож байна. (ЕвроУикли Ньюс)

[Нигерийн] Абужагийн Боловсрол, Нийгэм, Эрүүл мэндийн зорилт [MESH] хэмээх буяны байгууллага нь Закат [Лалын шашны буяны өглөг] хуваарилах хөтөлбөрөөрөө дамжуулан эмзэг бүлгийн 1,600 гаруй нигеричүүдэд дэмжлэг үзүүлжээ. Тус санаачилга нь бэлэн мөнгө, хөргөгч, оёдлын болон нунтаглах машин зэрэг орлого бий болгох тоног төхөөрөмж олгож, бэлэвсэн эмэгтэйчүүд, хөгжлийн бэрхшээлтэй хүмүүс, ядуу гэр бүлүүдэд урт хугацааны санхүүгийн бие даасан байдалд хүрэхэд нь тусалдаг байна. (Нигерийн мэдээний агентлаг)

[АНУ-ын] Флорида мужийн ахлах сургуулийн сурагчид цэргийн шархадсан ахмад дайчдад зориулан ипотекийн зээлгүй байшинг сууриас нь эхлэн барьж байна. Үндэсний ашгийн бус “Building Homes for Heroes” байгууллагатай хамтран өсвөр насны сайн дурынхан 2 гэр бүлд тогтвортой орон сууц олгохын зэрэгцээ барилгын чухал мэргэжил эзэмшиж байна. (Фокс Ньюс)

Өдрийн ухаарал өгөх эшлэл: “Өнөөдөр хийж буй зүйл тань бүх маргаашийг тань сайжруулж чадна.” – Америкийн урам зориг олгох илтгэгч, зохиолч Ральф Марстон (BrainyQuote)

Доктор Паула Лангхоффын клиник үхлийн тохиолдлын тухай энэхүү цуврал нэвтрүүлэгт Америкийн теологич, санваартны удирдагч, зохиолч Паула клиник үхэлд орсон хоёр тохиолдлоо хуваалцаж байна. Үүний нэг нь 6 настайдаа аспирин хэтрүүлэн хэрэглэсний дараа, нөгөө нь насанд хүрсэн хойноо зүрх нь зогсох үед тохиолдсон байна. Паула АНУ-ын Баруун дундад бүсэд католик гэр бүлд өссөн бөгөөд тэнд итгэл бишрэл нь Эзэн Есүс Христ (цагаан хоолтон)-тэй холбогдох хувийн харилцаа гэхээсээ илүү зан үйлийн шинжтэй байв. Балчир хүүхэд байхдаа тэр унтлагын өрөөндөө хэдийнээ Эцэг БУРХАН-ы оршихуйг мэдэрч, Түүний Хүү Эзэн Есүс Христтэй нэгдэхийг хүсэж байна хэмээн гэнэн цайлганаар мэдэгджээ.

Гэвч амьдрал түүнд багаас нь зовлон зүдүүр авчирчээ: Гэр бүл нь осолд орж, дүүгээ зулбалтаар алдан, гэр доторх хурцадмал байдал нь нэмэгдэв. Нэгэн шөнө доод давхарт эцэг эх нь маргалдахыг сонсож байх үед харанхуй оршихуй өрөөнд нь орж ирэн түүнтэй найзалж, дараа нь нууцаар гарч дор хаяж хагас шил аспирин идэхийг ятган, ингэвэл тэр багахан л өвдөж, эцэг эхийнх нь маргаан зогсоно гэж хэлсэн байна. Гэвч энэ нь худал байжээ. Паула зургаан настай байсан ба аспирин хэтрүүлэн хэрэглэсэн байв.

Гэнэт амьсгалахад үнэхээр хэцүү болж эхэлсэн. Би айж байсан. Учир нь эцэг эхдээ хэлбэл зодуулна гэдгээ мэдэж байв. Балчир ухаанд минь энэ айдас улам томорсон. Тэгээд дараагийн санаж буй зүйл гэвэл бүх зүйл тас харанхуй болсон байлаа. Энэ нь унтсантай адил байгаагүй. Хэн нэгэн миний дээр хөшиг татчихсан мэт, хав хар байв. Тэр мөчид туйлын амар амгалан байсан. Би цаашид өвдөх мэдрэмжгүй болсон. Зүгээр л тасарсан. Тэгээд би өөр нэг орон зайд байсан гэж хэлж болно. Би “За. Энэ чинь хачин юм.” гэж бодож байлаа. Би ердөө жаахан хүүхэд байсан. Надад харьцуулж ойлгох ямар ч суурь байгаагүй. Тайлбарлаж болох юм бол бүх зүйл хав хар байсан. Зүгээр л тас харанхуй. Гэсэн ч би өөрийгөө харж чадсан. Би гараа, бусад зүйлсийг харж байсан. Тэгээд дараагийн мэдсэн зүйл гэвэл намайг энэ хонгил руу үнэхээр маш хурдан авч одож байлаа. Тэр нь асар том. Яг сансарт гадаа байгаа мэт байв. Гэхдээ та капсулд ч юм уу ямар нэг зүйлд биш, зүгээр л тэнд байж байв. Гэсэн ч тэр нь хонгил гэдгийг мэдэрч болно. Тэнд одод байсан. Би оддыг харж байсан. Манай Сүүн замын галактик шиг зүйлийг харж байсан. Надад гаригууд болон бусад зүйлсийг үзүүлж байсан.

Тэгээд гэнэт, шүүп гээд бид асар их, үнэхээр хурдтай явж эхэлсэн. Бүх зүйл “Стар Трек” цуврал дээрх шиг, гэрлийн хурдаас ч хэтийдсэн мэт болж байлаа. Яг л тийм байсан. Тэнд амар амгалан, аниргүй байсан бөгөөд би юу ч сонсохгүй байсан ч эдгээр од, гараг, бусад зүйлс миний хажуугаар өнгөрч, би тод Гэрлүүдийг харж байлаа. Миний ойлголтоор тэнгэр элч нар гэж орчуулах зүйлс миний хажуугаар өнгөрч байгааг харж байсан. Гэтэл гэнэт, нүд ирмэхийн зуур би огт өөр газар бууж ирсэн. Яг л дүр зураг агшин зуур солигдсон мэт. Гэхдээ энэ нь үзэгдэл биш. Та тэнд байна. Та мэдэрч чадна. Танд энд байгаагаас давсан мэдрэхүй бий. Энэ бодит. Эндхээс, хүний амьдралаас ч илүү бодит. Үүнийг яаж тайлбарлах билээ дээ?

Паула өөрийгөө Диваажинд тод, амьд талд байгаагаа мэдээд эргэн тойрон явж эхэлжээ. Би энэ талд байсан, энэ нь маш гэрэлтэй. Цэнхэр тэнгэртэй, үүлгүй, наргүй, зүгээр л тод гэрэлтэй, зуны дулаан өдөр шиг уур амьсгалтай байв. Үнэр нь гайхамшигтай. Өнгө нь — шингэн мэт. Тос, ус хоёр дээр гэрэл тусахад тэдгээр нь өөрчлөгддөг гялбаатай байдаг шүү дээ? Тэндхийн өнгөнүүд тиймэрхүү боловч ногоон нь илүү тод. Бор нь илүү тод. Ямар нэг байдлаар тэдгээрт гүн мэдрэмж байсан. Бүх зүйл амьд. Өвсний ширхэг бүр төгс бөгөөд амьд байсан. Тэнд цэцэгс байсан бөгөөд тэдгээр цэцэгсийн дундуур алхахад тэд инээж, дуулж байлаа. Тэднийг гишгэж няцалж болохгүй. Тиймээс хүүхэд байсан надад энэ үнэхээр гайхалтай санагдсан. Дараа нь би гүйж эхэлсэн, гэхдээ толгод руу харж, тэнд тоосгон барилга болон ямар нэг зүйл болж байгааг харах агшинд би зүгээр л тийш зөөгдсөн. Алхах, гүйх шаардлагагүй. Болно л доо, гэхдээ та ямар нэг зүйлийг бодох тэр мөчид шууд тэнд очно. Тэгээд одоо би нэг ёсондоо тэр толгод дээр байсан бөгөөд харахад миний зүүн талд улаан тоосгон барилга байв. Миний анхаарлыг татсан зүйл нь энэ баганат саравч, баганатай дугуй хашаа шиг зүйл байлаа. Дээд хэсэг нь нээлттэй, жижигхэн хашаан дотор, ногоон өвс гэх мэт зүйлтэй байв. Мөн асар том ширээний эргэн тойронд тэнгэр элч нар зогсож байлаа.

2-р хэсэгт Паула тэр ширээний эргэн тойронд тэнгэр элч нар юу хийж байгааг асуусан тухай гарах бөгөөд тэд түүнийг харж чадахаар дээш өргөжээ. Тэд “Хараач, бидний хийж байгаа зүйл энэ. Энэ бол чиний амьдралын төлөвлөгөө” гэж хэлсэн. Тэр нь “Амьдралын тоглоом” [ширээний тоглоом] шиг гурван хэмжээстэй жижигхэн ширээний тоглоом мэт харагдсан ч бодит байсан. Доктор Паула Лангхоффын клиник үхлийн тохиолдлын тухай цувралын 2-р хэсэгт маргааш бидэнтэй хамт байгаарай. (Жени ДуВаллтай хамт Бурхантай учирсан учралууд)